مصر الفارسية.. سنوات العذاب تحت الحكم الفارسي

مصر الفرعونية
شارك التدوينة مع اصحابك بكل الحب..!
  • 16
  •  
  •  
  •  
  •  
  •  
  •  
  •  
  •  
    16
    Shares

على مدار تاريخ مصر الطويل، بنجد فترات احتلال لدول اجنبية، من اشهرها الأمبارطورية الفارسية القديمة ايام حكم الملك قمبيز الثاني، واللي تولى الحكم في فارس سنة 530 ق. م. وبيحكي المؤرخ اليوناني هيرودوت، وهوا اللي هانعتمد عليه كمرجع في الفترة دي، ان مصر في الوقت دا كانت دولة مستقرة ومزدهرة بصورة كبيرة ومتقدمة في الطب وسائر العلوم، ودا اللي دفع الملك قورش أبو الملك قمبيز انه يراسل للملك أحمس الثاني (أو أماسيس زي هيرودوت مابيقول) ملك مصر انه يبعت له طبيب عيون من عنده عشان يعالج عينيه. فكان الملك يكره أحد الأطباء فأرسل به الى عاصمة الفرس لإبعاده عنه، وهناك استطاع الطبيب ان يستفز غرور الملك انه يطلب زواج ابنة الملك أحمس، وهو يعلم أن أحمس سيرفض فتقع عداوة بين الملكين!..

5269-1.jpg

ولما وصل الخبر للملك أحمس أدرك ان الملك قورش مش جاد في طلبه، وهايبهدل بنته وهايخليها مجرد محظية ومش هاتبقا زوجة ملكة ابنة ملك، وفي نفس الوقت كان عارف ان الرفض هايبقا له عواقب وخيمة، لأنه عارف ان قمبيز كان عنده جيش قوى، فأرسل له فتاه جميلة اسمها نيتيتس ابنة ملك سابق كان اسمه أبريس، جهزها وارسلها في موكب عظيم. ولما عرف الملك قورش اتجنن وأعلن انه هايتحرك في جيش كبير لغزو مصر. لكن تحرش بحدوده بعض البدو فخرج لمحاربتهم وهوا دا اللي أخره عن التقدم ناحية مصر، مات الملك قورش عام 530 ق. م. وتولى بعده ابنه الملك قمبيز اللي قرر التحرك نحو مصر.

مجلس الفرعون أحمس الثاني

 كانت مصر ايامها بتعيش عهد راقي من الأستقرار والتنمية، لكن الجيش كان فيه عناصر كتير من المرتزقة الأجانب الليبيين والقوشيين وغيرهم، وكان لهم امتيازات وبدلات وعطايا كبيرة جعلتهم مثار حقد من الشعب. وبرغم دا كله، كان ولائهم ضعيف للبلد مما جعل ضابط بالجيش يتسلل عن طريق الصحراء الى جيش قمبيز ويوشي ليه بمعلومات عن الجيش ويمده بمعلومات عن خطط وتسليح ومواقع تمركز وبعض المسالك في الصحراء سهلت لجيش الفرس كتير في الحرب!.. في الوقت دا وصلت الأخبار لملك مصر اللي قرر الأستعداد لحرب الفرس، فاتصل بدول الجوار زي قبرص وبوليكرات ملك ساموس اللي كان بيملك اسطول وعرض عليه التحالف ضد الفرس، وعلم قمبيز بالتحركات دي فراح وعرض عليهم امتيازات اكتر جعلتهم يميلوا في التحالف ناحية الفرس ويخذلوا ملك مصر.

1

نجح دلوقتي الملك قمبيز مبدئيا في تجريد ملك مصر من حلفاءه، وبعدين تقدم للشام وعرض على اليهود في اورشليم السماح لهم باعادة بناء معبد “أورشليم” مقابل مساعدته في التمركز على حدود مصر، كما حصل على دعم من البدو الرعاة في سيناء عن طريق امداد الجيش بالماء اللازم لعملية الزحف والمرور فاستطاع تكوين قاعدة قوية يقدر منها يتقدم لغزو مصر، واستطاع كمان عن طريق الضابط الخاين انه يحصل على دعم بعض العناصر المرتزقة الموجودة داخل جيش مصر.

خريطة للمملكة المصرية القديمة وحدودها

وبدأ قمبيز التحرك بالجيش والأنتقال لنقط تمركز على حدود مصر الشرقية، وبدأ كمان اسطول الفينيقيين وملك ساموس يتمركزوا في البحر عشان يقدموا دعم لوجستي للجيش الفارسي داخل الأراضي المصرية. في الأثناء دي مات ملك مصر الملك أحمس التاني بعد حياة حافلة وانجازات كتير وتولى ابنه الملك بسماتيك التالت ولكنه كان غير مؤهل للحكم ولا للحرب، في الوقت دا دخل قمبيز لمصر ووجد مقاومة عنيفة في مدينة غزة ولكنه تغلب عليها بمساعدة يهود أورشليم، ولما وصلت الأخبار حاول الملك بسماتيك انه يحكم دفاعات لكن كانت تحركات الفرس أسرع منه، وحدثت المواجهة عند مدينة بيلوزيوم أو الفرما (شرق بورسعيد الحالية) عام 525 ق.م. وكان انتصار الفرس ساحقا، وهرب الملك بسماتيك الى بمن تبقى من جيشه الى مدينة أون (عين شمس) وهناك حدثت مواجهة تانية حيث تم كسر جيش الملك بسماتيك ومحاصرته وسقوطه اسيرا في يد قمبيز هو أولاده، وتم ترحيلهم مقيدين في الأغلال، وهناك تم اعدام الملك بسماتيك الثالث هو وابنه وتم تقديم ابنته لمتعة أمراء الفرس!.. وعن سير المعركة بيقول مؤرخي الأغريق:

“كانت ساحة المعركة تشبه ‘بحر من العظام’ إذ قُتل في المعركة 50 ألف مصريا بينما قُتل سبعة الاف جندي فارسي، وهرب الجنود المصرييون إلى منف وإحتموا هناك فأرسل قمبيز سفينة إلى منف تطالب المصريين بالإستسلام حقنا للدماء فإذا بالمصريين بمجرد رؤيتهم للسفينة في ميناء منف يركضون ويقتلون كل من في السفينة ويدخلون منف حاملين أطراف الفرس الممزقة فغضب قمبيز لذلك غضبا عارما وبمجرد دخوله المدينة أمر بأن يُذبح 10 مصريين لكل فارسي قُتل على هذه السفينة فبذلك قُتل 2000 مصري..” (!!)

Cambyses_II_capturing_Psamtik_III.png

وبسقوط مدينة منف عاصمة مصر في يد قمبيز فقدت مصر استقلالها واصبحت ولاية فارسية يحكمها الفرس، وكمان فقدت جيشها الوطني واصبح يتولى الدفاع عنها جيش من الأجانب وهايفضل الوضع كذلك لغاية تولي محمد علي باشا حكم مصر بعد أكتر من 2000 سنة لما يبدأ يبقا لمصر جيش وطني من المصريين.

وعلى الرغم من ان هيرودوت بيحكي أمور غريبة عن حكم قمبيز لمصر، ألا انه بعض علماء المصريات بعد اكتشافات كثيرة في العصر الحديث أثبتوا خطأه في كتير من اللي حكاه، فعلى الرغم من ان هيرودوت بيحكي ان قمبيز اهان عبادات المصريين ودخل أماكن في قدس الأقداس بمعبد الأله بتاح لا يدخلها الغرباء (اللي خارج سلك الكهنوت يعني) كما انه اهان العجل ابيس المقدس عند المصريين وقتله (!) ولكن في النقوش المكتشفة حديثا ان قمبيز كان له اسم هيروغليفي ومصور في بعض النقوش وهو يسجد لألهة المصريين، وتم العثور على تابوت جنائزي أهداه قمبيز للعجل في مراسم وفاته، مما يدل على احترام قمبيز لديانة المصريين كنوع من اكتساب السلطة عن طريق كهنة الدين، زي الأسكندر الأكبر لما هاييجي من بعده وهايتم تتويجه ملك لمصر وابن لأمون في معبد سيوة..

وارسل قمبيز بعد كدا عدة حملات للسيطرة على الواحات وقرطاجنة وبلاد النوبة واغلبها بائت بالفشل ودا بيجعله يتصرف بجنون مع المصريين وتحمل تصرفاته كتير من العنف والتدمير وسفك الدماء. ومن تحليل أعمال قمبيز مانقدرش نقول عنه اكتر من أنه كان مجرد غازى لبلاد غريبة، حاول أنه يستعمل معها كل الأساليب عشان يسيطر عليها ويخضعها تحت سيطرته فمرة استعمل الخديعة عشان يدخلها بالرفق واللين اللي ظهر في احترامه للتقاليد الدينية (زي ماعرفنا من نقوش معبد سيرابيوم ومدينة منف) فلما ماجابتش نتيجة استعمل العنف والبطش أحيانا، ودا خلا البعض يقول عنه أنه بيقلد أبوه الملك قورش والبعض بيقول أنه مصاب باختلال العقل، ولكنه في الحقيقة كان يستعمل كل الوسائل للسيطرة على البلاد.

لطفا لو عجبتك التدوينة تشيرها لأصدقاءك عشان الفايدة منها تعم، وماتنساش تعمل فولو للمدونة عشان يوصلك منا كل جديد وتعمل كمان فولو لحساب تويتر اللي ظاهر تحت.. وشكرا


شارك التدوينة مع اصحابك بكل الحب..!
  • 16
  •  
  •  
  •  
  •  
  •  
  •  
  •  
  •  
    16
    Shares
  •  
    16
    Shares
  • 16
  •  
  •  
  •  
  •  
  •  

11 thoughts on “مصر الفارسية.. سنوات العذاب تحت الحكم الفارسي

      1. احسن حاجة فعلا ان المدونة بلغة العامية لغة مصر اللی بتحكي تاريخنا العظيم بعيد انا.درست تاريخ مصر ف الكلية لكن.بحي اقر جميع المعلومات والأفكار المتنوعة ربنا يوفقكم

  1. اشكر جدا المجهود الجبار اللي انت عامله ده واللغه البسيطه الجميله اللي بتكتب بيها وعندي اقتراح بسيط في الحقيقة اقتراحين زي ما عملت بيان بكل الحكام عبر تاريخ مصر يا ريت تكتب التاريخ بشكل تسلسلي من اول الانشاء الي الان مع وجود مواضيع متخصصه زي اللي انت مجمل بيها المدونه الاقتراح التاني انه يبقي كتاب مش كفاية تكون مدونه واشكر لك حرصك علي تبسيط التاريخ بالشكل الجميل ده ويارتني اقدر اساعدك

  2. مدونة غاية فى الروعة وانا استفدت منها كتير جدا جدا لاكن ارجو تكملة الموضوع بتاع قمبيز لان لسه فى حاجات مهولة حصلت بعد كده وبعد ما بسماتك ابنة بسماتك الثالت وكان اسمة قد بونى عمل حاجات مهولة مع الفرس وخلص على الجيوش كلها 250 الف جندى قضى عليهم ولابد من تكملتها من فضلك لانها مهمة جدا وعايزين مراجع نقدر نستند ليها فى الكلام ده

شاركنا برأيك فيما قرأت!..