إمرأة على عرش مصر (1)

مصر الفرعونية
شارك التدوينة مع اصحابك بكل الحب..!
  •  
  •  
  •  
  •  
  •  
  •  
  •  
  •  
  •  

زي أغلب شعوب العالم كان موضوع ان تجلس إمرأة على رأس السلطة في أي بلد أمر غير مقبول، ولكن التاريخ المصري بيسجل جلوس عدد كبير من النساء على رأس السلطة ولفترة طويلة نسبيا بالمقارنة بحكم كثير من الرجال. كمان بيتميز اغلب عهود حكم المرأة بالرخاء والأستقرار وقلة المعارك الحربية و الحملات العسكرية.. في التدوينة دي وتدوينات اخرى جاية ان شاء الله هنستعرض قصص لـ12 امرأة حكمت مصر وهانشوف حكاياتهم كانت ايه بالظبط..

الملكة (ميريت نيت)

بيرجع تاريخ الملكة (ميريت نيت) للأسرة الأولى في الناريخ المصري الفرعوني حسب تقويم المؤرج مانيتون، ومن اسمها بيعني “محبوبة الإله نيت” اللي كام معبود مدينة سايس القديمة، وبعض النقوش بتحمل لها اسماء أخرى زي (نيت حوتب) يعني (نيت يرضى عنها) وكمان (نخت نيت) يعني (نيت القوي) و (موت نسو) يعني (والدة الملك).

كانت زوجة الملك واجي أو جيت (أو كانت أخته طبقا لمعتقد المصريين القدماء) من الأسرة الأولى وأم للفرعون جير والوصية على العرش، وبتدل نقوش كتير على انها حكمت مصر بمفردها فترة من الزمان، زي مابيؤكد عالم الأثار الأمريكي بيتر كابلوني. مقبرتها موجودة في أبيدوس بجوار مقابر زوجها وابنها اللي حكموا مصر.

بتعتبر تقريبا هيا الملكة الوحيدة اللي تم العثور على مقبرتين لها، التانية كانت في منطقة سقارة، لكن هيا مش مدفونة هناك. كما يوجد لوح رخامي كبير في المتحف المصري مكتوب عليه اسمها وبيؤرخ لحياتها..

الملكة ميريت نت أول ملكة في التاريخ تجلس على عرش مصر، ولعلها أول أمرأة تحكم دولة في التاريخ العالمي.

قبر-الملكة-مريت-نيت-dknRz246iyVFC9Tr39n1kf9xGfoI9nhPrCQ4jtaGJ58

الطريف في الموضوع دا ان قبر الملكة تم العثور عليه عام 1900 عن طريق عالم اثار بريطاني اسمه بيتري، واللي كان بيعتقد انه اكتشف قبر لملك فرعوني (مش ملكة) واسمه مير-نت.. وظل الأمر كذلك لغاية سنة 1980 لما تأكد علماء الأثار ان دا قبر لملكة.. وليس ملك!..


شارك التدوينة مع اصحابك بكل الحب..!
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

4 thoughts on “إمرأة على عرش مصر (1)

شاركنا برأيك عما قرأت!..